စိုင်းဝင်းမြင့်ကဗျာ ၁

 
သူစိမ်း - ၁

ငါ အိမ်ပြန်လာတော့
ငါ မရှိတုန်း မွေးထားတဲ့ ခွေးက
ငါ့ကို ဟောင်တယ်။

ငါ့အိမ်သုံး ရုပ်ပစ္စည်းတွေ
ငါ့ကို စိမ်းလို့
ငါ သိမ်းခဲ့တဲ့ စာအုပ်တွေလည်း
မရှိတော့ဘူး။

အဖေ့ကို ငါ စစ်ဖြစ်ခဲ့တာက
ပြီးခဲ့တဲ့ ၇ နှစ်
ငါ့စိတ်တွေ ပေတေ လေလွင့်
ဒုက္ခတွေ တသွင်သွင် ပွင့်တယ်။

ငါ့ရင် ငါ ဖွင့်ကြည့်တော့လည်း
နှလုံး ခုန်တစ်ချက် မခုန်တစ်ချက်
အသက်ရှူတစ်ချက် မရှူတစ်ချက်

ငါ အိမ်ပြန်ခဲ့တယ်
ငါ့ အသက်ကို ငါ မမှီတော့ဘူး။ ။

စိုင်းဝင်းမြင့်
............/................

သူစိမ်း - ၂

မနက်ခင်းက
အော်ကြီးဟစ်ကျယ်နဲ့ စတယ်
အိပ်ရေးမ၀ဘဲ အိပ်ရာက
ထတယ်။

ရှေ့မှာ
ဝရန်တာ
ဝရန်တာရှေ့မှာ
ဓာတ်ကြိုး
ငါ့စိတ်တွေ အစိုးမရချင်ဘူး
လက်တစ်ကမ်း စိတ်တစ်ကမ်းသာ ကွာရဲ့။

စွတ်စိုထိုင်းမှိုင်းတဲ့ ကမ္ဘာကြီး
ငါ့ကို ငြီးငွေ့သွားအောင် ဖွဲ့နွဲ့တယ်
အပျောက်အရှ များတယ်
အသွေးအသား များတယ်။

ငါ အရက်မသောက်ဘူး
ငါ ဆေးလိပ်မသောက်ဘူး
ရူးများ ရူးနေသလားပဲ
ကွမ်းလည်း မစားဘူး။

နေ့ရှိသမျှ ကြားရတဲ့ ပြန်ဆိုတေး
ငါ ဘေးမတွေ့လို
ပျိုရွယ်သူတစ်ယောက်ရဲ့ အိမ်ပြန်ခရီး
ညကြီးပိုင်းကား တွယ်စီးခဲ့တယ်။ ။

စိုင်းဝင်းမြင့်

................./.............

သူစိမ်း - ၃

မနက်မိုးလင်းတာနဲ့
ကိုယ့်အသက်ကို ကိုယ်ပြန်စမ်းနေရ။

လက်ဖက်ရည်တစ်ခွက် ရဖို့
ကိုယ့်ကြမ်းတမ်းမှုကို ပြရ
စားပွဲထိုးက ခေါ်မကြား အော်မကြား
“ဟေ့ကောင်
ဒီမှာ မီးသေနေပြီ”

ဘ၀သေတစ်ခု မျက်နှာသေတစ်ခု
လင်စိတ် သားစိတ် ကုန်ခမ်းနေလေရဲ့
ငါ့ တုန်လှုပ်ချောက်ချားမှုကို
ဖောက်ခွဲပစ်လိုက်တယ်။

လမ်းဘေးစာတိုက်ပုံးနဲ့
လမ်းဘေးခွေးခြေတစ်လုံး
ငေါင်စင်းစင်း မျက်နှာချင်းဆိုင်
အခုထိ စာတစ်စောင်မှ မထည့်နိုင်သေး။

ပြန်ဆိုတေး မဖြစ်တဲ့ နေ့တစ်နေ့ဟာ
သီချင်းအသစ်လည်း မဖြစ်
ချစ်မေတ္တာမဲ့ တစ်နံတစ်လျားမှာ
အသံဆိုတာလည်း မရှိတော့ပြီ။ ။

စိုင်းဝင်းမြင့်
သရဖူ၊ မတ်၊ ၂၀၀၁

.............../.../......... 

သူစိမ်း - ၄

နေမပွင့်ခင် ပွင့်မိတဲ့ စိတ်ကူး
နေပွင့်တော့ နောက်ဖေးက ချောင်းထဲ မျှောချခဲ့ရတယ်။

အိမ်ဘေးက မြေအလွတ်မှာ
ဘာအပင်မှ မစိုက်မိခဲ့တဲ့ လူလွတ်တစ်ယောက်
အိမ်အမိုးကောင်းကင် အလွတ်မှာလည်း
စွန်တစ်ကောင်မှ လွှတ်မတင်နိုင်ခဲ့ဘူး။

အနုပညာကို ခူးဆွတ်နေရတာက
တစ်ပူး ကင်းပူးလေးနဲ့ ရူးသွပ်နေရသလို
အိုင်နေတဲ့ ရေ ပက်ထုတ်ရဦးမယ်။

ရွာလမ်းမ အဆုံးမှာ
ခြေထောက်တွေ မဆုံးနိုင်ခဲ့တော့
ရေမျောကမ်းတင် ခုတ်သားတစ်စ
ငါ့ရဲ့ ညက သယ်လာတယ်။ ။

စိုင်းဝင်းမြင့်

.........../......./.........

သူစိမ်း - ၅

ရာသီဥတုက
အိမ်အပြင်မှာ တစ်ခု
အိမ်ထဲမှာ တစ်ခု
ငါ့ရဲ့ လူ့အဖြစ်ကို
အမှုဖွင့်လိုက်တာ ဘယ်သူလဲ
မပြီးနိုင် မစီးနိုင် ငြီးစီစီ ရှည်လျား
ငါ့ ခြေတစ်လှမ်းဟာ
ငါ့ အိမ်နဲ့ ဝေးရာ
နောက်ထပ် ငါ့ ခြေလှမ်းများ
ငါ့ ဘ၀နဲ့ ဝေးရာများ။ ။

စိုင်းဝင်းမြင့်
................../..............

သူစိမ်း - ၆

အမေနဲ့သား
စကားမပြတ်ဘူး
လျှပ်စီးရောင်တလက်လက်
အသံပေးတယ်။

ဘ၀နဲ့ ဝေးရာ ငေးမိသူ
ဘ၀နဲ့ ဝေးရာ ပြေးမိသူ
လွမ်းပေါ့
ရင်ပြည့်ရင်လျှံ
ဝန်တင် (၂) တန်
လူစီး (၂၆) ဦး
ချစ်မေတ္တာအပြာကြီး
ရသမျှ အငမ်းမရ
ဆွတ်ဆွတ်ယူသွားပုံလေးကိုပဲ
အမေ့မှာ တရိပ်ရိပ် တရေးရေး
ရပ်ငေးကျန်ရစ်တယ်။ ။

စိုင်းဝင်းမြင့်

............../.................

သူစိမ်း - ၇

ညနေငြိမ်းတာတောင်
စိတ်က မငြိမ်းသေးဘူး။

ကိုယ့်ခေါင်းပေါ်က တိမ်တစ်စ
ဘယ်သွားရမှန်း မသိဘူးလား။

အသက် အချိတ်အဆက်မှာ
ကိုယ့်အရိပ်က လခြမ်းထမ်းထားရသေး။

အလွမ်းအဆွေးများနဲ့ ဆည်းဆာ
ခရီးအကွာအဝေးကို တွက်ချက်မိပြန်တယ်။ ။

စိုင်းဝင်းမြင့်